Өлбөт – сүппэт туһугар

329

Эн кинигэҥ долбуура

Аҕыйах хонуктааҕыта А.К.Билюкина салайааччылаах И.А.Аргунов аатынан улуустааҕы кииннэммит библиотекаҕа куруук буоларын курдук бэрт сэргэхтик саҥа кинигэ биһирэмэ тэрилиннэ. Бу күҥҥэ улуус ыалдьытынан киэн туттар биир дойдулаахпыт СӨ үтүөлээх бырааһа, РФ доруобуйаҕа харыстабылын туйгуна, медицина билимин доктора, Таатта улууһун, Октябрьскай нэһилиэк бочуоттаах олохтооҕо, өрөспүүбүлүкэҕэ «Аргыс» медицинскэй национальнай страховой компанияны төрүттээбит, билигин бу тэрилтэ компания БМС өрөспүүбүлүкэтээҕи территориальнай фондата диэн уларытыллан ааттаммыт тэрилтэҕэ директор сүбэһитинэн үлэлиир Егор Егорович Борисов буолла. Быйыл «Таатта» хаһыакка Егор Егорович төрөөбүт дойдутугар ытык Чөркөөххө «Оҕо куйуурдуу турара» фонданы тэрийэн, кафе астаран, төрөөбүт дойдутун оҕолоругар үлэ миэстэтин таһаарыыга, үөрэнэ баралларыгар көмө оҥоһулларыгар сүрүн оруолу ылбытын туһунан сырдатыллыбыта. Ханнык баҕарар киһи олоҕун үтүө кэрэхсэбиллээх өттө хайаатар да төрүөттээх, тирэхтээх буолара үөһээ этиллибиттэн да көстөр.

Егор Егорович олоххо актыыбынай позициялаах, са²аны олоххо киллэрэргэ дьулуурдаах үлэ´ит, бастû² общественник, 30 тахса научнай ыстатыйа автора, Дьокуускай к. дьа´алтатын доруобуйа харыстабылыгар управлениетын начальнигынан үлэлээбитэ. 2003 с. медицинскэй үлэ´иттэр ортолоругар «Сыл ки´итэ» ааты ылбыта. 2004 с. «Лучший муниципальный служащий» диэн Бүтүн Россиятааҕы конкурска лауреат буолта. Дьокуускай к. депутаттарын мунньаҕын председателин солбуйааччынан, 2 созывка депутатынан талылла сылдьыбыта.

Дьэ уонна Егор Егорович быйыл «буолаары буолан билиҥҥи быыһык кэмҥэ, ыччакка анаан «Өлбөт-сүппэт туһугар» диэн ааттаан саха итэҕэлигэр анаан кинигэ суруйда. Кинигэ жанра хоһуйуу сэһэн. Кинигэ дьоруойа «таҥара бэлэҕэ» Маппый ааттаах-суоллаах Оройко сирдьиттэнэн «кыырыйбыт астардаах, уһун хара суһуохтаах, хара кыаһаан сирэйдээх, сытыы уоттаах харахтаах, сиэдэрэйкээн бытыктаах, орто тэгил уҥуохтаах, уурбут-туппут быһыылаах аҕам саастаах Олук ойуунтан алгыстанан олоҕун сахалыы сиэринэн саҕалыырын туһунан эдэр ыччаты төрүт үгэстэргэ үөрэтэр.

Биһирэмҥэ Егор Егорович кинигэ айылларыгар уонна сүрэхтэниитигэр алҕаабыт аҕа табаарыһыгар саха биллиилээх литературоведа, драматург, ХИФУ РФ Хотугулуу Илиҥҥи норуоттарын тылларын, культураларын Институтун саха литературатын кафедратын доцена, РФ үрдүк үөрэхтээһиҥҥэ Бочуоттаах үлэһитэ, П.А.Ойуунускай аатынан судаарыстыбаннай бириэмийэ лауреата Протодьяконов Василий Никитичкэ дириҥ махталын биллэрдэ. Кинигэни ырыппыт Михаил Александрович Протодьяконов, Гаврил Иванович Каприн, Оксана Прокопьевна Андросова, Егор Егорович оскуолаҕа бииргэ үөрэммит үөлээннээхтэрэ, учуутала Петр Алексеевич Иванов, Чөркөөхтөн аймахтарын аатыттан Светлана Прокопьевна Слепцова, улуустааҕы киин балыыһа специалистарын аатыттан Сардана Прокопьевна Андросова, Луиза Тимофеевна Постникова кинигэ ис хоһоонунан сонунун, норуот саха итэҕэлигэр наадыйбыт кэмигэр бэчээттэммитин, кинигэ суолтата ыччаты иитиигэ улахан оруолланыаҕын махтанан туран бэлиэтээтилэр, ааптарга өссө үрдүк ситиһиилэри баҕардылар.

Ыытааччы ааҕар саала библиотекара Полина Николаевна Иванова «Аан дойдуну араҥаччылыыр, харыстыыр Айыылар күүстэрэ үрүҥ санаа үксээтэҕинэ өссө күүһүрэ туруо. Сырдык олох аартыга аһылларын туһугар Үрүҥ Ойуун ыйбыт суолунан кэскилбитин түстүөҕүҥ» диэн тэрээһини түмүктээтэ.

 

Поделиться: