Суруналыыстар сүбэлэһэллэр

376

Кулун тутар ый 21 күнүттэн Саха Республикатын суруналыыстара уочараттаах фестивалларыгар кыттыыны ылан кэллибит. Фестиваль диэн үөрэнии, түмүк таһаарыыта, инники үлэни торумнааһын.
Тэрээһин, бары суруналыыстар мэктиэлииллэринэн, үрдүк таһымҥа ыытылынна. СР сибээскэ уонна информационнай технологияларга миниистирэ А.И.Борисов республика хаһыаттарын редакцияларын үлэтин сорох өрүтүн ырытта. Улуус хаһыаттара бары тутулбут судаарыстыбаннай автономнай, тэрийээччибит СР бырабыыталыстыбата
уонна сибээс министиэристибэтэ. Улуус олохтоохторугар отчуоттуу былааннаах тиэртэхпинэ, «Таатта» хаһыат редакциятын үлэһиттэрин Россия Почтатын өҥөтүн таһынан хаһыакка чэпчэтиилээх сурутууну уонна муниципальнай тэриллиилэр баһылыктарын көмөтүнэн тиэрди-
ини тэрийбиппитин, улуус олохтоохторугар сонун тиһигин, республика политикатын билиһиннэриини, хаһыат бэчээттээһинин таһынан полиграфическай өҥөлөрү, кинигэ, сурунаал бэчээттээһини тэрийэрбитинэн үтүө холобурга сылдьар коллективынан ааттанныбыт. Онон
түгэнинэн туһанан ытыктабыллаах биир дойдулаахтарбытыгар
– ааҕааччыларбытыгар – төрөөбүт улуускут сайдыытыгар бэриниилээххитигэр, коллективы эрэнэн, өҥөлөрү оҥоттороргутугар махтанабыт.
Тэрээһиҥҥэ тылы чинчийии институтун специалистара билиҥҥи тыл уонна литература нуорматыгар олоҕуран суруналыыстар үлэлэрин ырытыылара сонун уонна олус наадалаах буолла. Маны таһынан ырытыылаах, чинчийиилээх ыстатыйалары суруйууга семинардар, хаһыат үлэтин тула араас таһымҥа кэпсэтиилэр, санаа атастаһыылар буоллулар. Саха республикатын суруналыыстарын сойууһун бэрэссэ-
дээтэлэ Г.А.Бочкарева салалтатынан «Сахатранснефтегаз», Дьокуускай аэропордугар, «Саха» иһитиннэрэр – көрдөрөр хампаанньатыгар, ГТРК үлэтин иһиттэн киирэн көрөн билистибит.
Бу фестиваль түмүгүнэн от ыйын 1 күнүттэн хаһыат 12 сирэйинэн нэдиэлэҕэ биирдэ – чэппиэр күн – бэчээттэнэрэ былааннанна. Чэпчэтиилээх сурутууну республика хаһыаттарыгар уонна сурунаалларыгар «Рапост» ХЭТ ыытыаҕа.
Кини «Сахабэчээт» уонна да атын иһитиннэрэр-биллэрэр тэрилтэлэри кытта дуогабар түһэрсибит. Онон уларыйыы сотору кэминэн биллэн иһиэ.
Анна Посельская.

Поделиться: