Социальнай өҥө нобуоруттан хаһан аккаастаныахха сөбүй?

21

2020 сылтан социальнай өҥө нобуоруттан аккаастанарга эбэтэр туһанарга сайабылыанньаны 2019 сыл алтынньы 1 күнүгэр диэри түһэриэххэ сөп.
Федеральнай чэпчэтиинэн туһанааччы социальнай өҥө нобуорун (НСУ) хайа баҕарар көрүҥүттэн бэйэтигэр наадалааҕын көрөн, баҕа өттүнэн биир эмэ көрүҥүттэн аккаàстаныан эбэтэр туһаныан сөп.
Сокуон быһыытынан социальнай өҥө хайа эмэ көрүҥүттэн аккаастанар түгэҥҥэ өҥө төлөбүрэ уу харчынан солбуллар. Маныаха балаҕан ыйын 30 күнүгэр диэри Арассыыйа Биэнсийэҕэ пуондугар, МФЦ-га эбэтэр Арассыыйа Биэнсийэҕэ пуондун сайтыгар тус бэйэ кабинетын нөҥүө электроннай сайабылûанньа суруйуохха наада.
2019 сыл олунньу 1 күнүнээҕи туругунан социальнай өҥө нобуора 1121,42 солк. тэҥнэһэр, ол иһигэр киирэллэр:
• Эминэн-томунан хааччыллыы — 863,75 солк.;
• Сүрүн ыарыылары санаторнай-курортнай эмтээһин – 133,62 солк.;
• Тимир суолунан босхо айанынан туһаныы – 124,05 солк.
Сайабылыанньа суруллубатаҕына федеральнай чэпчэтии нобуора төлөнө сылдьарын курдук салгыы төлөнүө. Өскөтүн өҥөнү туһанааччы социальнай өҥө нобуоруттан аккаастанар сайабылыанньаны эрдэ суруйбут буоллаҕына уонна кэлэр сылга быһаарыыта уларыйбатаҕына Биэнсийэ пуондатыгар кэлэрэ наадата суох.
Ыйытыыларгытын Арассыыйа Биэн-сийэҕэ пуондун «Горячая линия» нөҥүө 8-800-100-99-74, эбэтэр 41-548, 41-912 телефоннарга эрийэн билсиэххитин сөп.
Аадырыспыт: Ытык Күөл сэл., А.Кулаковскай уул., 21.

У.ПОСТНИКОВА, Арассыыйа Биэнсийэҕэ пуондун
улуустааҕы управлениетын специалиһа.

Поделиться: