Төрүччүнү үөрэтэбит

22

Радостная новость! *Электронные документы Национального архива РС (Я) стали доступны для всех желающих!* …
Теперь стало возможным самостоятельно изучать самые востребованные документы для составления родословной. Для этого нужно пройти регистрацию в программе «АИС-Элар» и заказать документы. После получения доступа можно просматривать эти документы в любое удобное для Вас время с устройства, где есть Интернет.
***
Тохсунньу ый саҥата Саха Өрөспүүбүлүкэтин Национальнай архыыбыгар «Таатта ытык дьоно» сиэрийэҕэ үһүс дьоруойбут отоһут, эмчит Михаил Фомич Чашкин туһунан кинигэҕэ аҕатын Куома Бөтүрүөбүс төрүччүтүн туһунан матырыйаал булаары сырыттым. Онно үөһээ суруллубут архыып өҥөтүнэн туһанан, Чашкин Фома Петрович 1927 сыллаахха толоруллубут поселеннай кинигэҕэ суруллубутунан 46 саастааҕа, кэргэнэ Иульяна Мих ? 30 саастааҕа, онтон аҕата Чашкин Петр Симонович – Кылапчы Бүөтүр 1857 сыллаах төрүөҕүн, ийэтэ Васса Васильевна 1869 сыллааҕын биллим. Онон табыллара буоллар, оҥоруохтаах кинигэбитигэр төрүччүгэ биир эмит саҥа көрүүлэри киллэрбит киһи диэн бүччүм санаам туолуо эбитэ дуу диэн ааҕааччыларбын кытта үллэһиннэҕим буоллун. Оттон «Таатта» хаһыат 1991 сыллаах алтынньы 1 күнүнээҕи 118 №-гэр сир түннүгэ Егор Дмитриевич Андросов суруйбутунан «Кини аҕата Кылапчы Бүөтүр диэн уолуттан атын дьүһүннээх, кылгас сирэйдээх, адьас салҕа оҕонньор этэ диэн Уолба кырдьаҕастара кэпсииллэр. «Кини көннөрү туос ама оҕонньор этэ, онтон эһэм Дьирбии ойуун этэ», — диэн Куома Чааскын дьоҥҥо кэпсиир эбит. Оттон ийэтэ Паша диэн эмээхсин куоракка үөскээбит уһун синньигэс сирэйдээх маҥан дьахтар эбитэ үһү. … Архûûïтан көрдөххө, Кылапчы Бүөтүр аҕата Симон Чашкин диэн быһыылаах… Фома Петрович 1886 сыл диэки төрөөбүт.» Оччотугар 1927 сыллаах поселеннай кинигэнэн Куома Чааскын 1881, аҕата 1857, ийэтэ (Паша дуу, Васса Васильевна дуу?) 1869 сылларга төрөөбүт буолаллар. Дьэ олус интэриэһинэй.
Күндү ааҕааччыларым, түгэнинэн туһанан, ким Михаил Фомичка махталын биллэрэн суруйар баҕалаах, редакцияҕа тиксэрэргитигэр ыҥырабын.
Анна ПОСЕЛЬСКАЯ

Хаартыскаҕа: архыып докумуонун көстүүтэ.

Поделиться: