Күүтүүлээх спартакиадабыт түмүктэннэ

5

Олунньуга улуус аҕам саастаахтарын Улуу Кыайыы 75 сылыгар аналлаах күүтүүлээх 20-с үбүлүөйдээх спартакиадалара спорт 7 көрүҥэр буолан ааста. Спартакиадаҕа улуус 14 нэһилиэгиттэн 264 спортсмен кэлэн кыттыыны ылла.
Спартакиада аһыллыы-тыгар спортсменнары улуус баһылыга М.М.Соров, улуус депутаттарын Сэбиэтин бэрэссэдээтэлэ В.А.Охотин, социальнай управлениетын салайааччыта М.П.Тарасов уонна улуус бэтэрээннэрин сэбиэтин бэрэссэдээтэлэ С.И.Беркина эҕэрдэлээтилэр, нэһилиэктэр салалталарын мэктиэлээһиннэринэн 44 бастыҥ спортсмеҥҥа Грамоталары, өйдөбүнньүк сувенирдары туттардылар. Биллэн турар, бу спорт бэтэрээннэрин ортотугар ааттаах-суоллаах, нэһилиэктэрин, улуустарын да аатын куруутун көмүскүүр үгүс киһи баара буолуо да, барыларын наҕараадалыыр кыаллыбата хомолтолоох.
Биирдиилээн көрүҥнэ-ринэн ылан көрөр буоллахха остуол тенниһигэр улахан нэһилиэктэр бөлөх-төрүгэр 1-кы ракеткаҕа Н.Никифоров (Таатта), 2-с ракеткаҕа А.Бойтунов (Игидэй), 3-с ракеткаҕа С.Слепцова (Октябрьскай), кыра нэһилиэктэргэ И.Попов (Уус Амма), Н.Сенькин (Уус Амма), А.Софронова (Амма) чемпионнаатылар.
Ытыыга бастакы бөлөххө эр дьоҥҥо Ф.Герасимов (Дьохсоҕон), А.Яковлев (Октябрьскай), дьахталларга Л.Тарбахова (Дьохсоҕон), иккис бөлөххө эр дьоҥҥо Н.Н.Винокуров (Уолба), Э.Саввин (Уус Амма), дьахталларга М.Васильева (Уус Амма) кыайыылааҕынан таҕыстылар.
Саахымакка бастакы бөлөх 1-кы дуоскатыгар М.Колодезников (Алдаí), 2-с дуоскаҕа В.Попов (Таатта), 3-с дуоскаҕа А.Кириллина (Таатта), иккис бөлөххө туһааннааҕынан Г.Федоров (Амма), Н.Винокуров (Уолба), В.Охотина (Даайа Аммата) чемпион үрдүк аатын сүктүлэр.
Дуобакка кыайыылаах аатын дуоскаларынан бастакы бөлөххө А.Мурунов (Таатта), В.Цыпанäин (Таатта), Р.Кузьмина (Игидэй), иккис бөлөххө Е.Старостин (Хара Алдан), Г.Гуляев (Дьүлэй), З.Саввина (Уус Амма) ыллылар.
Хабылыкка, хаамыскаҕа бастакы бөлөххө Н.Никифоров, Н.Андреева (таатталар), иккис бөлөххө А.Варламов (Дьүлэй), А.Чемпиона (Тыараһа) кыайыы өрөгөйүн биллилэр.
Ити курдук волейболу, эстафетаны киллэрэн туран, спорт 7 көрүҥэр 156 киһи миэстэлэһэн, Дипломунан, мэтээлинэн наҕараадаланан, үөрэн-көтөн бардылар. Нэһилиэктэринэн ыллахха улахан нэһилиэктэргэ Таатта нэһилиэгин спорòсменнара эрэллээхтик бастакы миэстэни ыллылар, Октябрьскай нэһилиэк спорòсменнара иккис, дьохсоҕоннор үһүс миэстэҕэ таҕыстылар. Кыра нэһилиэктэргэ Дьүлэй нэһи-лиэгин хамаандата кыайыы өрөгөйүн биллэ, оттон тыараһалар иккис, уус аммалар үһүс буоллулар.
Түгэнинэн туһанан, үгүс сыраларын ууран, сыл ахсын спартакиада бары көрүҥэр нэһилиэктэр хамаандаларын үчүгэйдик бэлэмнээн киллэрэр, бэйэлэринэн иккилии көрүҥҥэ тиийэ кыттар нэһилиэктэр бэтэрээннэрин сэбиэтин бэрэссэдээтэллэригэр А.Р.Колодезниковаҕа (Алдан), Ф.А.Андросоваҕа (Амма), М.Р.Егороваҕа (Баайаҕа), П.Н.Собакинаҕа (Даайа Аммата), М.Л.Архи-повка (Дьохсоҕон), Е.Е. Аянитоваҕа (Дьүлэй), А.К.Аргуноваҕа (Игидэй), Л.П.Ивановаҕа (Октябрьскай), Л.В.Винокуроваҕа (Орто Амма), М.Е.Бондареваҕа (Таатта), С.Н.Наховаҕа (Тыараһа), А.Т.Григорьеваҕа, П.К.Богдокумоваҕа (Уус Амма), С.П.Винокуроваҕа (Уолба) улахан махталбытын тиэрдэбит. Быйылгы спартакиадаҕа Хара Алдантан эрэ хамаанда кэлбэтэ. Манна бэтэрээннэр сэбиэттэрин бэрэссэдээтэлин кыайан талбатахтара хаһыс да сылыгар барда. Ол хамаанда кэлбэтэх биир төрүөтүнэн буолуон сөп. Арай чахчы спорòка бэриниилээх, дуобаты өрө туппут Егор уонна Николай Старостиннар, Ытык Күөлтэн биир дойдулаахтара И.П.Неустроева кытыннылар уонна нэһилиэктэрэ дуобакка үһүс миэстэни ыларын хааччыйдылар.
Маннык улахан түмсүүнү тэрийии, биллэн турар, үгүс тэрээһиннээх. Онон бэтэрээннэр бу спартакиадаларын тэрийсибит, кылаабынай судьуйанан үлэлээбит М.П.Тарасовка, улуустааҕы спорткомитет, ДЮСШ, “Сарыал” киин үлэһиттэригэр, Ытык Күөл бастакы, иккис №-дээх оскуолаларыгар, музыкальнай эҕэрдэтин тиэрдибит Ытык Күөл аҕа саастаахтарын хоругар, “Алдаана” ырыа-үҥкүү ансамблыгар, врач Л.Т.Постниковаҕа уонна улуус бэтэрээннэрин сэбиэтин президиумун чилиэннэригэр улахан махталбын тиэрдэбин. Улахан махталбын тиэрдэбин спонсîрдаан күүс-көмө буолбут, өйдөбүнньүк бэлэхтэринэн көмөлөспүт «Мозаика» ИП (В.В.Афанасьев), «Уйгу» (В.В.Никифорова), “Татьяна» (Т.И.Ноенохова) маҕа´ыыннарыгар.
Түмүкпэр, улуус бары бэтэрээн спортсменнарыгар күрэхтэһиилэргэ көхтөөх кыттыыны ылалларын иһин махтанан туран, куруутун спорду кытта доҕордоһон, чэгиэн-чэбдик сылдьан, ыччакка холобур буола сылдьалларыгар баҕарабын.
С.БЕРКИНА, улуус бэтэрээннэрин сэбиэтин бэрэссэдээтэлэ.

Поделиться: