Куурусса аҕалан тарҕаттылар

33

Улууска куурусса иитиитинэн сүрүнээн ыаллар дьарыктаналлар. Ол эрээри кэлиҥҥи сылларга улууска куурусса ахсаана тохтоло суох аҕыйыы турар. Ол курдук статистика отдела иһитиннэрэринэн 2020 с. ыам ыйын 1 күнүнээҕи туругунан улууска 2190 куурусса баар. Онон ааспыт сылтан куурусса ахсаана 17 бырыһыан көҕүрээтэ. Бу түргэнник ситэр салааны сайыннарар туһуттан улуустааҕы тыа хаһаайыстыбатын специалистара бу күннэргэ Дьокуускайдааҕы көтөрү иитэр фабрика салалтатын кытта кэпсэтэн, нэһилиэктэртэн сайаапка хомуйан, Туора Күөлтэн уонна Хара Алдантан ураты нэһилиэктэргэ уопсайа 1876 кууруссаны аҕалан тарҕаттылар. Кууруссалар кэллэ кэлээт сымыыттаан хаһаайыттарын үөртүлэр.
Саамай элбэх, 815 кууруссаны Ытык Күөл сэлиэнньэтин олохтоохторо атыыластылар. Ол иһигэр Харбалаах олохтоохторо 166, уолбалар 118, чөркөөхтөр 148 кууруссаны ылан, үөрүүлэрэ улахан. Итинтэн атын нэһилиэктэргэ 70-90-нуу кууруссаны атыылаһан сымыыттатан, араас аһы астанан, күннээҕи аһылыктарыгар эбинэллэр.

Бэйэбит инф.

Поделиться: