Кэскиллээх эдэр учуонай

25

Биһиги киэн туттар оҕобут, убайбыт, бырааппыт Виктор 1970 с. сэтинньи 28 күнүгэр эдэр ыал Анна, Виктор Аржаковтарга бастакы оҕонон, Акулина, Виктор Аржаковтарга бастакы кэтэһиилээх уол сиэнинэн Ытык Күөлгэ күн сирин көрбүтэ. Дьэ, кырдьык даҕаны, күн курдук күүтүүлээх күндү, манаһыылаах мааны, кыра эрдэҕиттэн лоп-бааччы толкуйдаах оҕо төрөөбүтэ. Ийэ, аҕа, эһэ, эбэ, үгүс ахсааннаах аймах иэйиилээх тапталыгар, үлэһит дьиэ кэргэн түбүктээх олоҕор, ЫтыкүКүөл орто оскуолатын 1988 с. ситиһиилээхтик үөрэнэн бүтэрбитэ. Оҕо сылдьан хотоҥҥо баар хаһаайыстыбанан, олбуор иһинээҕи көтөрүнэн интэриэһиргиирэ, ветеринардары үтүктэн кинилэри эмтиирэ, көрөрө-истэрэ, балыстарын Жаннаны, Линаны батыһыннара сылдьан, үгүстүк ветстанцияҕа иитиллэн турар кыыллары кірі, үөрэтэ бараллара, от-мас үлэтигэр убайдарын кытта тэҥҥэ сылдьан көмөлөһөн, эһэлээх эбэтин үөрдэрэ, эдьиийдэригэр тиийэн ас астыырга үірэнэрэ, Уус Тааттаҕа эбэлээх эһэтигэр Александра Тимофеевна, Дмитрий Софронович Максимовтарга тиийэн атаахтаан, маанылатан кэлэрэ.
1991 с. оҕо сааһын уостубат баҕа санаатын толорон, Дьокуускайдааҕы медучилищеҕа киирэн үөрэнэн, биэлсэр идэтин ылан, дойдутугар Тааттаҕа суһал көмө биэлсэринэн, республикатааҕы клиническай балыыһа анестезиология уонна реаниматология отделениетыгар медбратынан эмчит уустук үлэтин саҕалыыр. Студенныы сылдьан үҥкүүлээбит, солистаабыт “Мозаика” оҕо-ыччат үҥкүү ансамбылыгар медигинэн, тренер-педагогунан үлэлиир. 1998 с. Саха государственнай университет медико-лечебнай факультетын бүтэрэн, быраас идэтин ылар. 1992 с. “Мозаикаҕа” бииргэ үҥкүүлээбит быраас кыыһынаан Еленалыын ыал буолан, уоллаах кыыс оҕолоноллор.
2000 с. Санкт Петербурга медицинскэй академия клиническай ординатуратыгар ЛФК уонна спортивнай медицина специальноһын үөрэнэн бүтэрэр. Салгыы П.Ф.Лесгафт аатынан спорт, физкультура, доруобуйа Национальнай государственнай университетыгар аспирантураҕа киирэн, үөрэҕин кытта тэҥинэн үөрэх кабинетын сэбиэдиссэйинэн уонна медицина спортивнай кафедратын старшай преподавателинэн үлэлиир.
Ону таһынан, ФГБ «Академия Русского балета им.А.Я.Вагановой” бырааһынан, педагогунан, ортопедическай чөлүгэр түһэрии научнай-методическай кииннэргэ бырааһынан үлэлээбитэ, салгыы 2009 сылтан оборона министерствотын байыаннай институтугар үтүө суобастаахтык үлэлии сылдьар.
2016 сылтан учуонай степеннээх педагогическай наука кандидата. 2020 сылга доцент учуонай званиета иҥэриллибитэ. Билигин ФГ Физкультура байыаннай институтун кафедратын доцена. Үрдүк таһымнаах, бэриниилээх, дьаныардаах үлэтин иһин РФ оборонатын министерствотын Бочуотунай грамотатынан, РФ оборонатын министерствотын спортка уонна физкультураҕа Управлениетын Бочуотунай грамотатынан, Физкультура байыаннай институтун элбэх грамоталарынан, Махтал суруктарынан наҕараадаламмыта. Маны таһынан, 2014 сылтан научнай журнал техническэй редакторынан үлэлиир. Балтараа сүүстэн тахса научнай үлэлээх, онтон иккитэ монография. 18 үөрэх-методическай пособиетын оІорон таһааттарда. Институт иһинэн ыытыллар общественнай үлэ актыыбынай кыттыылааҕа, үгүс комиссиялар бэрэссэдээтэллэрэ, чилиэннэрэ. Виктор Викторович курсаннара Аан дойдутааҕы научнай үлэ конкурстарыгар ситиһиилээхтик кытталлар. Кини салалтатынан 15 курсант дипломнай үлэтэ көмүскэннэ, ону таһынан биир кандидатскай диссертация көмүскэнээри сылдьар.
Бу курдук, төрөөбүт дойдутуттан тэлэһийэ, араас атын омуктары кытта тэҥҥэ алтыһан, ыраах Санкт Петербург куоракка быраас үөрэҕин, үлэтин учуутал идэтин кытта сыралаахтык дьүөрэлээн үүнэ-сайда, үлэлии сылдьар бырааппыт, убайбыт, чугас киһибит Виктор Викторович.

Светлана СИДОРОВА, эдьиийэ, Раиса АРЖАКОВА, саҥаһа.

Поделиться: