«Строганина ШОУ» күрэх

66

Ытык Күөл, кулун тутар 14 күнэ. «Таатта» литературнай-художественнай музей-заповедник сылын аайы араас сиэдэрэй хаар-муус оҥоһуктары, сырылыыр сыырдары, хаҥкылыыр катогу оҥорон, араас аттракционнары тэрийэн, оҕо-аймах, дьон-сэргэ салгыҥҥа дуоһуйа сынньанарын тэрийэр.
Сылаас күннэр  үүннүлэр да, «Хадаайы» хаар -муус пааркатыгар сыл аайы өрөбүллэргэ  араас интэриэһинэй күрэхтэһиилэри, тэрээһиннэри тэрийэн ыыталлар. Ол курдук быйыл маҥнайгытын «Строганина ШОУ» күрэхтэһии буолла. Күрэхтэһиигэ 10 кыттааччы Тааттабыт улууһун маастардара чочуйан таһаарбыт, аан дойдуга биллибит сахабыт быһахтарынан, күрэхтэһиигэ анаан Тиксииттэн аҕалыллыбыт балыктарын кыһан илин-кэлин түһүстүлэр. Манна күүстээх аҥаардары сэргэ кэрэ аҥаардар кыттыылара тоҕуоруспут дьон сэҥээриитин тарта.
Кыһыы хаачыстыбата, кыһан таһаарбыт балыгыттан ким үрдүк башняны ууран таһаарбытын көрдүлэр. Туох баар ирдэбилгэ толору эппиэттээн Ытык Күөлтэн Мичил Харитонов кыайыылааҕынан таҕыста. Күрэх кэннэ кыһыллыбыт минньигэс, иҥэмтиэлээх балыгынан көрөөччүлэри күндүлээтилэр. Ити курдук дьон-сэргэ  өрөбүлгэ дуо6уйа сынньанан, астынан тарҕаста.

В.БАШАРИНА.

Поделиться: