Кулун тутар 13 күнүгэр, Алдан нэһилиэгэр спорт саалатыгар тоҕуоруһа мустубут элбэх көрөөччүлэрдээх, туох баар быраабыланы барытын тутуһан туран түөлбэлэр икки ардыларыгар волейболга күөн күрэстэстибит.
6 түөлбэттэн 5 түөлбэ илин-кэлин түһүстэ. Ким да иннин биэрбэт сүрдээх үчүгэй оонньуулары көрдөрдүлэр. Оскуола оҕолоро — кыргыттар зачету таһынан оонньоотулар. Ол да буоллар, оҕолор — инники кэскиллэрбит диэн «стимуллаан» 3 миэстэ буолбуттарынан, мэтээл кэтэттибит. Өссө да оҕолорбутугар ситиһиилэри баҕарабыт.
Бу күрэхтэһиигэ дьиэ кэргэнинэн элбэх ыал оонньообута астыннарда. Ол курдук, Намнаайыттан — Дмитрий, Галина Находкиннар, Алдантан — Сергей, Надежда Постниковтар, Кустуктан — Олег, Варвара Максимовтар кыыстара Евалыын, Булунтан — Григорьевтар Лена уолунаан Колялыын, Алексей Постников кыыһынаан Туйааралыын, Аартыктан — Юрий, Вера Осиповтар, Петр, Акулина кыыстара Варялыын, күтүөттэрэ Ярославтыын. Тыҥааһыннаах оонньуулары олох бэркэ комментатордаан баһылыкпыт Егор Николаевич Постников өссө сытыырҕатта. Бары äàҕàíû онтон күлэн-үөрэн, уһун пандемия кэмигэр тыын-быар хаайтарбыт дьонî дуоһуйа сынньанан, мээчиги кытта тэҥҥэ хамсанан, сааланы биир гына хаһыытаан тарҕастыбыт.
Түмүккэ түөлбэлэр икки ардыларыгар:
Аартык — 1 миэстэ,
Намнаайы — 2 миэстэ,
Булун — 3 миэстэ буоллулар. Төһө да сылайыы, көһүйүү буоллар, бэйэ туругу көрүнэ саалаттан тэйимиэҕиҥ, дьарыктаныаҕыҥ, спорду таптыаҕыҥ, көҕүлүөҕүҥ диэн ыҥырабын.
Түөлбэлэр салайааччылара Акулина Колодезникова.
